ORANJESTAD (AAN): Director di Banco di Seguro Social (SVb), Edwin Jacobs a duna un repaso relaciona cu e reunion cu SVb y AZV tabata tin cu Formador di Gobierno Evelyn Wever-Croes.
Un di e puntonan cu el a trece dilanti diabierna atardi durante un rueda di prensa ta cu a haci e peticion na Formador pa trece na e proximo gobierno nan peticion pa encarga SVb cu su provicion riba e cumplimento di pension general.
A constata den pandemia cu hopi dunador di trabao no ta cumpli cu nan obligacion pa cu e pension di e trahador y e pension general di e trahador ta sumamente esencial den futuro pa cu e entrada di e pensionado, Jacobs a splica.
