DTI ta revela:
ORANJESTAD (AAN): Francis Quandt Hefe di Departamento di Keur di DTI, a indica cu tin hopi compania di Tour cu no ta bay keur nan vehiculonan. El a bisa cu nan sa bay masha poco mes. Normalmente nan ta cay bao di 'persoonsvervoer' (transporte di persona), pero mester keda keur tur aña.
Quandt a splica cu DTI ta controla brakenan, luznan, parti paden di e vehiculo tambe si ta optimal. Kiermen, nan mester pasa pa control tur aña.
E keurmento ta algo cu ta mara na nan permiso y pesey nan mester keur tur aña y aworaki esey ta algo co no ta tumando lugar. El a bisa cu mas o menos 4 compania cu a pasa haci e keurmento di tur esunnan cu tin na Aruba.
Pa loke ta e trucknan, a indica cu na inicio di aña tiki a pasa. Pero den e ultimo dos lunanan tabata tin 3 of 4 pa dia ta keur. Normalmente, tur dia DTI ta haya 3 pa dia of 4. Pero di Januari pa April tabata poco y despues di April te cu awor el a cuminsa bisa cu nan tin 4 truck pa dia cu nan ta keur, a bisa.
Quandt a duna di conoce cu esnan cu tin 'persoonsvervoer' por pasa libremente na DTI y si tin lugar nan por atende nan di biaha of ta traha nan afspraak. Pa esey mester pasa cu nan papel di seguro valido, nan vergunning, nan registracion na Departamento di Impuesto.
El a enfatisa cu DTI ta atende diasabra pero esaki ta bay solamente cu afspraak y segun peticion di e compania.
