ORANJESTAD (AAN): Mas y mas usuario na Aruba ta confrontando cuentanan halto di awa den e dianan aki.
Hopi persona ta keha cu nan factura a bin mas halto cu normal mientras cu nan no a kere cu nan consumo di awa a subi.
Esaki ta varios biaha cu DIARIO a haya reaccion riba e asunto aki. E clientenan di WEB ta kere cu e compania awor mester bin cu e mesun sistema di Elmar unda e clientenan cu ta desea, nan mes por hinca den e sistema online e lectura di nan meter.
Parce cu tin hopi desconfiansa den e manera cu e meter di awa ta wordo lesa. Ora di yama puntra WEB si nan tin e sistema di 'meter reading' e contesta ta cu solamente Elmar tin esey.
Awor cu e tarifa di awa y coriente ta bay subi drasticamente, mas y mas hende lo desea di por controla mas nan consumo y pa evita desconfiansa, pa nan mes hinca den e sistema online e lectura di loke nan a consumi te cu cierto fecha.
Esaki sigur lo evita e desconfiansa cerca e clientenan, cu ya caba ta dudando door di e cobransanan halto cu nan a haya recientemente.
