ROTTERDAM: Un homber Surinameño biba na Hulanda, kende pa 4 aña largo tabatin molester di dolor inmenso y inexplicable di stoma,
a bin haya sa siman pasa porfin ta kico ta pasando cune. Via di un CT-Scan, a bin descubri kico ta e origen di su dolornan. A sali na cla cu el a guli un skelet di pisca cu ta contene e weso di lomba di e pisca.
E pashent Vincent a declara na prensa Hulandes, cu hopi biaha e ta bay Amsterdam of Rotterdam pa asina cumpra pisca di freezer na e tiendanan conoci como ‘toko’. Durante un luna na 2018 el a haci esey tambe, y e tempo ey sin cu e tabata sa, lo a guli como 3 centimeter di skelet di e pisca, cu ta pata-pata di weso.
For di e tempo ey el a cuminza haya atakenan di dolor, y esaki a afecta su bida pa cuatro aña largo. Diamars siman pasa e dolornan tabata asina intenso, cu e tabata grita so bay goal pa 3 ora y mey di dolor. Su sanger a cuminza haya infeccion basta severo tambe.
Asina el a yega Hospital, unda a resulta cu el a yega na tempo pa Docternan yude. Despues di e CT-Scan, nan a haci un ‘kijkoperatie’ pa check su interior. A bin sali na cla cu e weso di pisca aki a bay pega den su tripa, cerca di su weso di lomba, y aki el a causa masha hopi daño mes. E operacion a dura 2 ora y mey, y nan a logra saca e skelet di pisca.
E skelet di 3 cm largo awor ta poni den un potchi banda di su cama pa e keda mir’e. Docternan a bisa cu e lo bay recupera completamente bek, y lo no haya dolor mas.
