Jayburtt Dijkhoff ta relata pa pueblo:
ORANJESTAD (AAN) Jayburtt Dijkhoff, PhD, director di Fundacion Sikki, a sigui relata den conferencia di prensa, loke el a mira den e propio relatonan financiero di Hospital dr. Horacio Oduber, y esaki ta cu berdaderamente HOH a haci varios restructuracion, entre otro PD, a haci reorganizacion di e digitalizacion, control riba gastonan, pero e parti mas cardinal, locual el a menciona e dia aki pa henter pueblo di Aruba por sa, ta cu nan a baha tambe e capacidad di cama.
“Kico esaki kiermen? Cu tin menos cama, tin menos duracion ora e pashent ta wordo atendi door di Hospital, kiermen mas lihe bo por bay cas miho, ora nan no manda bo na bo cas nan ta manda bo otro caminda cu no ta hospital, y e eskema pa opera ta masha fragil mes. Esaki a haci cu a reduci e cantidad di estadia na Hospital di 4.7 dia pa 3.6 dia, loke nan mesun relatonan ta confirma, y kico a pasa den realidad? Cu na luga cu nos tin 87% di hendenan cu ta haci uso di cama na Hospital, esaki a baha na 74% cu locual e hendenan no ta hayando acceso mas na cuido na HOH”, segun Jayburtt Dijkhoff, PhD.
