CARACAS: E muher hoben aki, Nahomi Aponte di apenas 18 aña di edad, a wordo deteni cu man den mansa door di oficialnan di investigacion di Polisnan PNB na Caracas.
Polis a bin haya e hoben Nahomi Aponte cu varios teenager menor di edad, cu kende e ta forma un red dedica pa explotacion sexual di mucha- y teenagernan.
Despues di un investigacion di Polis, a bin haya sa cu e muher hoben Nahomi Aponte ta logra di convence su victimanan pa nan bay cune pa varios Prison na Venezuela, unda e ta explota nan sexualmente.
Presonan ta paga placa pa asina nan por tin momentonan di placer cu e muchanan menor di edad.
Ora cu Polis a gara Nahomi Aponte, e tabatin cinco teenager cune cu tabata subiendo un Bus publico na Terminal La Bandera, y nan tabata rumbo pa un prison na estado Aragua.
Pa awor e ta deteni, y investigacion ta sigui. No ta descarta cu lo por tin mas detencion.
