ORANJESTAD (AAN): Un di e popular weganan di Lotto ta sigui di ta Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y asina bo ta cla pa ta den wega.
Esey ta exactamente loke Henry a haci. El a escoge su numbernan, y a dicidi pa bet un tiki mas. Y e anochi ey el a gana bon tambe!
Pesey riba Dialuna el a presenta na oficina di Lotto pa Deporte pa reclama su premio. Aki mesora a check si el a pone su firma na e banda patras di e ticket, y a scan e barcode. E computer a indica mesora cu el a gana 62.500 Florin cu e wega di Zodiac Anochi.
Mesora a start e proceso pa transferi e premio electronicamente pa su cuenta di banco. Henry a splica cu e ticket ganador el a cumpra na Big Ten 4.
