KRALENDIJK: Tabata Diamars anochi cu Centro MOC di Wardacosta di Caribe Hulandes
a ricibi peticion urgente pa duna un man den evacuacion medico di un pasahero femenino, cu e momento ey tabata riba un crusero cu tabata zuidoost di isla di Bonaire.
E crusero HAL Rotterdam tabata caminda pa Bonaire despues di a bishita Aruba, sinembargo ta programa pa yega te 7’or di mainta. Pues e tabata djis nabegando parti zuid y zuidoost di e isla.
Debi na e emergencia medico, e barco a bira y yega mas cerca di e isla, pa asina poco prome cu mey anochi a warda e Helicopter di Wardacosta bin piki e pasahero. Ta trata di un señora di 81 aña di edad.
Despues di esey, e Helicopter a bula cu e señora rumbo pa Aeropuerto di Curaçao, unda cu Ambulans a wordo hiba na e Hospital di e isla.
