Diasabra anochi tin Captain’s Meeting
ORANJESTAD (AAN): Un biaha mas, Centro di Pesca Hadicurari ta preparando pa celebra ‘Dia di Piscado’ na un forma grandi, y esey ta via di e Torneo di Pesca 2024.
E evento grandi mes lo bay ta Diadomingo 30 di Juni 2024, for di 6:00 am te cu 3:00 pm, cu salida y yegada na Centro di Pesca Hadicurari.
Tur piscado ta invita pa participa, y asina demostra nan otro con bon bo habilidad y experticio ta riba lama pa captura pisca. Tin chens e ora di cay den premio.
A compronde cu inscripcion lo ta habri desde Diasabra 22 di Juni te cu Diasabra 29 di Juni, y deadline lo cera pa 12:00 pm e dia ey.
Captain’s Meeting di e evento aki lo bay ta Diasabra 22 di Juni, for di 8:00 pm te cu 10:00 pm, y esaki lo bay ta na Centro di Bario Noord.
Dia 30 di Juni mes, aunke e competencia ta den dia for di 6:00 am te cu 3:00 pm na Hadicurari. E mesun anochi for di 8:00 pm te cu 11:00 pm, e celebracion y entrega di premio lo ta na Centro di Bario Noord.
