ORANJESTAD (AAN): E yobidanan cu a keda cay na forma constant na Aruba, a causa efecto hopi fuerte riba hopi caminda di asfalt riba e isla. E ‘fundeshi’ a bira tiki debil, y esaki ta pone cu e asfalt riba dje ta kraak, haya buraco, y cuminza deteriora na un paso mas rapido.
A ser mustra cu uno di esnan
cu ta deteriorando rapido tambe ta e extension di Lloyd G. Smith Boulevard, for di panort di Ritz-Carlton Aruba te na Arashi. Pero tambe parti di e pida di Malmokweg bayendo pariba rumbo pa entrada di Tierra del Sol. E pida aki tin algun buraco den caminda, cu ora auto pasa, esaki ta ‘spat’ e awa/lodo aki y pega nan riba cas of curanan di cas, y esey despues di tempo ta pone nan gasta placa pa verf muraya di nobo.
A ser treci dilanti cu den 2023 lo bay duna e pida di Irausquin Boulevard dilanti Highrise Hotel un renobacion di e capa di asfalt, como cu esey tambe ta na werki. Awor e speranza tey cu lo por resta placa pa haci e pidanan aki di Boulevard bay nort tambe drechi bek.
Recien a tende tambe reclamo di algun chauffeur, cu nan ta haya cu tin di haci algo pa e verkeersplateau cu tin riba Smith Boulevard panort di Ritz-Carlton, bira mas visible.
Pasobra nan ta bisa cu anochi bo no ta ripara cu tin e plateau abao dilanti nan.
