ORANJESTAD (AAN): Informacion procedente di Den Haag (Hulanda) ta indica cu e asina yama Grupo di ‘Wayaca Caribische Señioren’ di Caribensenan na Den Haag
a celebra aya Dia di Himno y Bandera di Aruba cu yen di alegria for di 10or di mainta te cu 4or di atardi. Varios hende, famia di e grupo aki y studiantenan a bini hunto, asina nan a pasa un dia hopi ameno yena cu informacion y bon ambiente.
Tabata un forma di trece Arubiano y Caribensenan hunto pa keda miho informa di e desaroyo di nos pais Aruba.
Wayaca ta un grupo pa Señioren Caribense biba na Den Haag. E comision di actividad ta activo recien pa 8 aña caba uniendo nos grandinan cu diferente celebracion y actividadnan durante henter aña.
Sigur nan ta gradici e PR di Departamento di Cultura (DCA), señor Stanley Dabian cu semper ta yuda nan spontaneamente y DCA pa e informacionnan ricibi, tocante Himno y Bandera y simbolonan nacional.
Tambe un danki na Departamento di Turismo di Aruba na Hulanda pa nan bunita regalonan brinda pa e miembronan di Grupo Wayaca.
