ORANJESTAD (AAN): Esnan di Aruba Excellence Foundation ta hopi orguyoso,
principalmente debi cu un grupo di trahador di Casa del Mar a bira experto di Aruba, ya cu nan a completa e ‘Aruba Certification Program’.
E programa aki ta yuda nan siña mas di e cultura di Aruba, su historia, y identidad local, y di e forma aki nan ekipo ta awor mihor prepara pa comparti e storia di e isla cu tur huesped cu nan topa cu ne.
Hopi biaha turistanan ta puntra trahadornan hopi detaye di e isla cu nan ta bishitando, y via di e programa aki di Certificacion ACP, nan ta hopi miho prepara pa duna e contestanan corecto.
