ORANJESTAD (AAN): Un grupo di hobennan a traha hopi duro pa asina representa Aruba durante Jornada Mundial Lisboa 2023.
E grupo lo ta saliendo for di Aruba diabierna dia 21 di Juli pa 2'or di merdia rumbo pa Hulanda y despues lo sigui nan viahe pa Portugal.
Jornada Mundial Lisboa 2023 ta un evento na unda miles di hoben di tur parti di mundo ta topa pa haci y participa den diferente actividadnan y intercambia conocimento cu otro. Presidente y coordinador di PHA, Reginald Winklaar ta invita comunidad pa duna e hobennan aki nan sosten den nan mision pa representa Aruba.
Alavez nan ta gradici pueblo di Aruba cu a yuda nan pa logra nan meta pa por yega na haci e viahe aki.
