ORANJESTAD (AAN): Recientemente a tuma luga dos ceremonia di naturalisacion, y esaki a socede den Ballroom di Renaissance Wind Creek Aruba Resort.
E naturalisadonan a huramenta of haci promesa den presencia di Gobernador Alfonso Boekhoudt di Aruba. Cu esaki nan ta hura of declara y priminti di ta respeta tur libertad, derecho y obligacion cu ta pertenece na e nacionalidad Hulandes.
Participacion na e ceremonia di naturalisacion ta e ultimo parti obligatorio di un proceso largo cu ta conduci na obtene e nacionalidad Hulandes. E procedura pa haya nacionalidad Hulandes via opcion of naturalisacion ta inclui den ‘Rijkswet op het Nederlanderschap’.
E potret aki ta pa cortesia di Gabinete di Gobernador di Aruba.
