ORANJESTAD (AAN): Siman pasa, diferente stakeholder, incluyendo Asociacion HAVA y otro profesionalnan den cuido,
tabata presente na e ceremonia oficial, unda 14 cursista a firma nan contract cu Wit Gele Kruis Aruba.
Di e forma ey, nan ta concretisa nan compromiso pa sigui e trayecto pa bira e POHnan (Somatiek) nobo di Aruba.
HAVA ta contento di por a comparti e momento bunita aki y ta keda apoya cada desaroyo pa sigui profesionalisa e funcion di POH. Aworaki na Aruba, e Docternan di Cas ta traha di cerca cu POH y ta balora nan aporte den duna pashentnan e cuido primario cu nan merece.
Un pabien tambe ta bay na Wit Gele Kruis Aruba cu ta trahando duro pa Aruba por haya mas POH profesional.
