ORANJESTAD (AAN): Na final di siman cu a pasa, Ministro Ursell Arends a expresa su opinion riba algo cu algun ciudadano a bin topa cune na costa.
Awor a resulta cu cierto turistanan no ta djis acumula y pone piedranan riba otro a lo largo di costa, pero a cuminsa rasca y ‘skirbi’ estilo graffiti crudo riba barancanan tambe.
“Esey ta algo cu absolutamente no ta aceptabel,” ta loke Ministerio encarga a informa di esey. Segun Ministro Arends, tin di bay encurasha turistanan pa respeta naturalesa di e isla.
Aki e ta menciona e.o. Tourguides, sea riba tera of lama, y tambe Taxistanan, y tur hende cu ta traha directamente cu turista, y si bo ta mira algo asina ta wordo haci tambe.
“Nos tur por duna un man pa preserva nos naturalesa,” Ministro a indica.
