Sin embargo ningun vuelo ta riba schedule
*Den e prome fase lo habri pa e vuelonan comercial
ORANJESTAD (AAN): Manera informa anteriormente, Gobierno di Aruba ta reconfirma cu frontera aereo entre Aruba y Venezuela lo habri gradualmente entrante dia 1 di augustus 2026.
Den e prome fase e frontera aero lo habri pa e vuelonan comercial cu lo por opera entre Aruba y Venezuela. Cada operacion mester cumpli cu e aprobacionnan y condicionnan necesario di ambos pais.
Pa loke ta trata e vuelonan no-commercial (e vuelonan priva), Gobierno lo anuncia despues ki dia nan lo por cuminsa opera. Pa habri e categoria aki, mester tin preparacion y coordinacion adicional entre e diferente instancia concerni.
Unabes cu e frontera habri, e vuelonan comercial lo wordo autorisa segun e capacidadnan disponibel pa atende cu e vuelonan aki debidamente.
Na e manera aki ta duna contenido na e compromiso pa habri e frontera aereo cu Venezuela dia 1 di augustus 2026, na un manera gradual y responsabel, pa asina restaura e conectividad aereo entre Venezuela y Aruba.
DIARIO a compronde cu e siman aki mes tabatin hende cu ta buscando informacion di vuelo, pero por a haya ningun detaye di vuelo pa y for di Aruba. Di ningun aerolinea a haya informacion, tampoco di esnan cu antes tabata bula e ruta di Aruba pa Venezuela.
Ban spera cu pa otro siman lo por tin desaroyo riba e asunto aki.
