ORANJESTAD (AAN): Diamars mainta 14 di Januari, Gobernador di Aruba, Alfonso Boekhoudt, a ricibi e Ombudsmannen di Reino pa un audiencia na Cas Ceremonial di Gobernador.
Presente na e audiencia tabata sr. Reinier van Zutphen, Ombudsman Nacional, señora Jurima Bryson, Ombudsman di Aruba, sr. Keursly Concincion, Ombudsman di Curaçao y señora Gwendolien Mossel, Ombudsman di Sint Maarten.
E Ombudsmannen di Reino ta reuni anualmente, e aña aki pa prome biaha den presencia di un Ombudsman di Aruba, cu ta den persona di señora Jurima Bryson, y tambe pa prome biaha na Aruba.
Oficina di Ombudsman Aruba kier informa cu nan lo mantene pueblo na altura di e ultimo desaroyonan y encuanto e apertura oficial di oficina. E potret aki pa cortesia Kabinet Gouverneur Aruba.
