ORANJESTAD (AAN): Diamars mainta dia 22 di october Gobernador di Aruba,
Su Excelencia Alfonso Boekhoudt, a ricibi tres miembro di Red Arubiano di Periodistanan Profesional (RAPP) pa un reunion di introduccion.
E miembronan presente tabata sra. Melissa Stamper – Presidente di RAPP, sra. Andreina Morillo - Secretario y sra. Yorleny Oduber – Tesorero.
Banda di e introduccion e combersacion a inclui e obhetivo di RAPP pa sostene periodistanan actual y futuro den nan desaroyo profesional y e importancia di bon periodismo pa Sociedad di Aruba.
Potret: © Kabinet Gouverneur Aruba
