ORANJESTAD (AAN): Informacion for di Den Haag, ta indica cu Diahuebs, Wieke Paulusma na nomber di Tweede Kamer a ricibi Gobernador Alfonso Boekhoudt cu a haci un bishita di cortesia.
Gobernador di Aruba ta cabezante di gobierno Arubiano, y ta representa den e funcion aki e Rey di Hulanda. Ademas di esey, Gobernador ta representante di gobierno di Reino. Pues di e forma aki, Gobernador ta e simbolo di e unidad di Reino na Aruba como pais autonomo dentro di Reino Hulandes.
Nan dos a papia riba diferente tema, entre otro e relacion entre Tweede Kamer y politica di Aruba.
