ORANJESTAD (AAN): E tabatin e bon numbernan escogi pa sorteo di Zodiac. Fuera di esey el a escoge e signo perfecto pa e wega, y pesey mes Gloria a bira feliz ora el a nota cu el a gana.
Pa tal motibo riba Dialuna el a acudi na oficina di Lotto na Playa pa reclama su premio. Aki mesora a revisa e ticket pa check si el a pone su firma, y despues a check e barcode bao di e scanner di computer. E computer di Lotto inmediatamente a confirma, cu Gloria a bira ganador di 50.000 Florin cu e wega di Zodiac.
Despues di esey, nan a pidi pa Gloria su cuenta di banco, pa asina e premio wordo transferi electronicamente pa esaki.
Gloria a splica cu e ticket ganador mes cu a yude bira 50.000 Florin mas rico, a wordo cumpra na Bo Skina di Suerte. Pabien na e feliz ganador.
