ORANJESTAD (AAN): Un di e popular weganan di Lotto na Aruba keto bay ta esun di Zodiac.
Aki bo ta escoge un number consistiendo di cuatro cifra, y bo ta agrega un signo zodiacal y ya bo ta den wega.
Esey ta loke Genaila a haci tambe, pero a pidi e bendedor pa ticket loco. Y el a logra gana cu esey.
Pesey riba Diabierna el a presenta na oficina di Lotto na Playa pa reclama su premio. Aki e funcionarionan a revisa su ticket pa check si el a pone su firma y su number di banco patras. Ora cu a scan e barcode, e computer a confirma cu Genaila a gana 12.500 Florin.
Mesora a sigui cu e proceso pa transferi e premio electronicamente pa su cuenta di banco. Genaila a indica cu e ticket ganador el a cumpra na Gwenny’s Lottery na Santa Cruz.
