BOGOTA: Autoridadnan Colombiano a confirsca riba Lama Pacifico, un total di 4 ton di cocaina cu tabata wordo transporta den un semi-submarino. Aki a detene cuatro persona tambe.
Ehercito Colombiano a bisa den un boletin, cu e accion pa intercepta e semi-submarino a socede na 68 miya nautico di Tumaco, na e departamento di Nariño cu ta na frontera cu Ecuador.
E droga abordo cu a bin cu e ‘Bloque Occidental Alfonso Cano’ di e disidencianan di FARC, tabata wordo transporta door di cuatro persona, entre nan un tranhero kende pa colmo su extradiccion ta wordo pidi pa basta tempo caba door di Merca pa acusacion di narcotrafico.
E semi-submarino di 15 meter largo, tabata transportando 200 saco conteniendo 4.000 paki rectangular cu a wordo transporta bek door di oficialnan pa Stacion di Guardacosta na Tumaco, unda a determina cu ta trata di cocaina. E tabata wordo transporta rumbo pa Centro America.
Cu e captura aki, sigur nan ta dal un golpi fuerte na finanzas di e disidencianan di FARC cu ta comete crimen den e parti aki di e pais.
E semi-submarino cu ta funciona cu motornan Diesel, tin un costo di como 500.000 Dollar, y ta igual cu un otro cu a wordo confisca na Lama Pacifico na Februari 2019, y tambe uno confisca na September 2019 den cual e biaha ey tabatin 8 ton di cocaina.
Durante 2021 na Colombia, a confisca un total di 500 ton di cocaina.
