Premio Mayor ofreci pa NV Elmar
ORANJESTAD (AAN): Pa sostene cultura, ELMAR ta apoya e Festival di Tumba y nos ritmo di tumba. Contribuyendo cu e premio mayor pa e ganadornan di Tumba y Tumba Loco: un aña gratis di coriente, como un manera di celebra y apoya e tumbero y e genero musical tumba.
Esaki ta e segundo aña consecutivo cu NV Elmar ta contribui cu e premio mayor, mustrando su compromiso cu e Festival di Tumba di Aruba y SMAC.
NV Elmar kier invita henter Aruba pa asisti na e Festival di Tumba riba diasabra 1 di februari na Balashi Beer Garden, cuminsando for di 8or di anochi. Bin apoya y celebra nos cultura durante e gran Festival di Tumba!
Festival di Tumba ta un evento cu cada aña ta reuni nos tumberonan pa celebra nos herencia cultural. E ta un honor pa Elmar ta e patrocinado principal di e Festival di Tumba pa e tercer aña consecutivo.
NV Elmar ta desea henter Aruba un temporada di Carnaval dushi, sano y sigur. Den ritmo di tumba, sinti e energia.
