ORANJESTAD (AAN): Tabata Diaranson 29 di December anochi, cu e sorteo di Lotto 5 tabatin como number ganador 10, 13, 19, 22, y 35.
A resulta cu pa e sorteo ey tabatin un solo ganador di e jackpot.
Riba Diabierna 7 di Januari 2022, e ganador Jose a presenta na Oficina di Lotto na Playa pa reclama su premio.
El a entrega su ticket na e funcionarionan di Lotto, cu mesora a revisa esaki banda patras y a nota cu su firma, y tambe su number di banco ta poni. Ora di a scan e barcode di e ticket, e computer inmediatamente a confirma cu Jose a gana e premio di 310.000 Florin como e ganador maximo.
Mesora nan a cuminza procesa e premio pa e wordo transferi electronicamente pa su cuenta di banco. Jose a indica cu e ticket ganador mes el a cumpra na Suerte di Pos Chiquito.
