ORANJESTAD (AAN); Despues cu Diaranson anochi tabatin un persona cu a gana e premio di 86 mil Florin pa Lotto di Dia, e sorteo a cuminza bek na 50 mil Florin riba Diahuebs anochi.
E numbernan ganador di Diahuebs anochi tabata 04, 05, 13, 28, y 29. A resulta cu tin un ganador tambe!
Pesey mes, Donald a pasa oficina di Lotto na Playa riba Diabierna mainta trempan pa cobra su premio! E a mustra e trahadornan su ticket, y despues di a revisa e firma, a scan e barcode. E computer inmediatamente a indica cu enberdad el a gana e premio di 50.000 Florin.
Mesora a cuminza cu e proceso pa transferi premio pa su cuenta di banco. Donald a indica cu e ticket ganador mes el a cumpra na Cash Money.
