ORANJESTAD (AAN): Ya caba Februari ta casi yega, pa e celebracion di Dia di San Valentin y dilanti otro bunita proyecto di “Cupcake di Speranza 2025” celebrando su decimo aniversario.
Un proyecto cu a start na 2016 den Caya Grandi para cu 200 Cupcake y cu aña tras di aña a keda crece.
Na aña 2016 e fondonan recauda tabata pa Baby Luna, na 2017 el a bay pa Señora Koolman, na 2018 dedica na 2 Fundacion pa mucha, na aña 2019 dedica na Ethan.
Na aña 2020 el a wordo dedica na Ethan un biaha mas y tambe Guinni, na 2021 el a ser dedica pa Shady, na 2022 e Cupcake di Speranza a yuda recauda fondo pa Janelle, na 2023 dedica na Aljereau y na 2024 dedica na Famia Rasmijn y Baby Jeremiah.
Awor pa aña 2025 esaki lo worde dedica na un hoben special di 15 aña yama Richeline.
Richeline ta un hoben special cu autismo y durante e ultimo añanan aki a cuminsa sinti diferente sintomanan cu ainda docternan mes ta purba saca afo kico e tin precisamente y den e caso aki su señora Mama ta buscando e forma pa asina por biaha cune den exterior pa check un segundo opinion kico por ta e causa di malestarnan di su yiu.
Segun e mama a divulga cu e color di cuero di e hoben ta cambia, e ta bay fo’i tino constant, y ta pensa tambe cu e lo a haya un atake cu ta haci cu e ta debil constantemente y ta drumi masha hopi mes, siendo cu Richeline tabata un mucha hopi activo yena di energia awor hasta den un rolstoel e ta mobilisa de vez en cuando paso e no tin forsa den su pianan.
Abo tambe por ta parti di e yudansa aki pa Richeline door di cumpra Cupcake di Speranza 2025. E minimo di order ta 1 dozijn (12 Cupcake) pa 60 Florin y bo mag di bestel cuanto cu ta desea. Un bon opcion pa amigonan comerciante cumpra pa nan empleadonan y clientenan y tambe den famia por haci esaki. Lo parti e Cupcakenan dianan 13 y 14 Februari 2025, y lo entrega esakinan na cas of trabao.
Pa bestelling por manda un WhatsApp 561-6151 cerca George y bestel esun dibo, por paga cash dia di deliver y tambe por paga via online tambe cuenta ta Aruba Bank y e cuenta ta 600-648-0190 tambe si ta desea di por contribui cu algo monetario por haci esaki.
GLW Foundation ta contento di por sigui aporta cu boso ayudo pa un otro hoben por sigui check su salud den exterior.
Aruba ban uni un biaha mas pa asina nos por yuda un hoben pa busca su salud. Ban celebra e Dia di San Valentino aki comiendo un dushi bolo y demostra bo amor y Amistad na un otro persona, Order esun dibo awor mes 561-6151.
