ORANJESTAD (AAN): November ta luna di derecho di mucha. E derechonan di mucha ta conta pa muchanan di 0 pa 18 aña.
Paisnan rond di mundo a firma un acuerdo na Nacionnan Uni, incluyendo Aruba.
Pa e luna di derecho di mucha, Fundacion Pa Nos Muchanan ta organisa e campaña anual di pintura pa tur muchanan entre 4 y 12 aña.
Con pa participa:
Scoge un di e derechonan di mucha y pinta un pintura tocante e derecho cu bo a scoge. Pa participa, saca un potret di bo pintura y manda nos hunto cu bo nomber y number di telefon na This email address is being protected from spambots. You need JavaScript enabled to view it. of WhatsApp 699-8900
Ultimo dia pa manda bo pintura ta diamars, 22 di november 2022. E pinturanan mas creativo lo forma parti di nan posternan (pa aña 2023).
Algun derecho cu por scoge
Tur persona bou di 18 aña tin derecho:
- Riba bida y desaroyo
- Riba nomber y nacionalidad
- Riba amor, cariño y comprension
- Di tin un cas, paña, alimentacion sano y awa limpi pa bebe
- Pa hala rosea den aire limpi
- Pa hunga y tempo pa sosega
- Pa expresa su opinion
- Riba privacidad
- Riba educacion
- Pa topa otro muchanan
- Pa haya e miho cuido medico
- Riba cuido adapta si e tin un inabilidad
