ORANJESTAD (AAN): Un tradicion den nos cultura ta, cu durante temporada di Pasco y Fin di Aña, nos ta regala esnan mas cerca di nos curason un regalo. Sea poco of hopi, grandi of chikito, pero semper un detaye cu ta alegra tur curason.
Siguiendo cu e bunita tradicion Arubiano aki, Fundacion Movemento Ta Bida (FMTB) cu su proyecto Hunto Grandi Grandi Hunto (HGGH) hunto cu Grupo Nucleo tin un regalo specialmente pa nos Adultonan Mayor, pero tambe pa otro personanan.
Esaki lo ta den forma di un canto di alegria y amor pa alegra tur curason, durante e siman di 13 - 17 december 2021 lo pasa 20 cas den cada bario menciona aki bou.
En total lo bishita 150 persona rond Aruba. Lo bay tin maximo 4 (cuatro) musico cu lo trece nan musica, den patio, veranda of dilanti porta, teniendo cuenta cu e reglanan di DVG, pa mantene distancia social.
Con pa participa:
Bo conose un bisiña, un amistad of bo tin un familiar cu
Ta biba su so den cas,
Ta sinti soledad,
Tin poco contacto social,
Ta sinti un of otro tristesa?
Ban celebra fin di e aña aki hunto den un forma unico, pa nos por pasa un Pasco Felis y habri un Prospero y Venturoso 2022
