ORANJESTAD (AAN): Fatme Rigaud, Secretaria di Fundacion Mi Voz ta Bo Voz
a splica cu esaki ta di seis aña cu e fundacion ta realisa nan proyecto di 'back to school'. Aña pasa mester tabata ultimo aña cu e fundacion lo a traha riba e proyecto aki, pero nan a haya varios yamada di docentenan, como tambe comerciantenan cu tabata dispuesto pa yuda esnan den necesidad.
Comision di Mi voz ta Bo Voz a dicidi di acerca Women's Club di Aruba y traha hunto riba e proyecto y lo yuda un total di 200 mucha. E meta ta pa yega na e suma di 35 mil florin pa yuda e muchanan, cu ta encera parti di e schoolgeld, tas pa scol y demas material necesario pa e mucha por habri aña escolar. Rigaud a agrega cu e muchanan tambe lo haya keds, mea, y uniform.
Comerciantenan, como tambe cualkier persona cu por haci un donacion, por haya informacion riba medionan social di e fundacion.
