ORANJESTAD (AAN): Lisette Gomes di Fundacion Mi Voz Ta Bo Voz a duna di conoce diahuebs durante un conferencia di prensa cu luna di April ta luna internacional di prevencion di abuso di mucha.
Pesey no kier para keto e aña aki mirando cu tin hopi desaroyo rond di esaki.
Nan ta bay cuminsa un siman y un dia adelanta cu e fecha promoviendo diferente actividad cu nan ta bay tin.
Gomes a remarca cu concientisacion ta hopi importante pa asina por yega mas tanto posibel na e muchanan, mayornan y tur esnan cu ta rond di e muchanan.
Tin hopi falta di informacion, falta di concientisacion eyfo y pesey nan a yama e rueda di prensa pa promove nan prome actividad pa e luna di April cual lo ta otro siman diabierna 1 di April.
Pa e dia aki kier promove pa e comunidad di Aruba bisti na blauw. Blauw ta e color di e 'ribbon' di abuso di mucha. Pesey e yamado ta pa na trabao, na cas, scol pa bisti na blauw. Prevencion ta e yabi pa evita mas tanto caso posibel, a expresa.
Nan como fundacion lo tin diferente premio. Pesey nan lo pidi pa bisti den grupo, saca un selfie y publica esaki riba Facebook y hashtag: mivoztabovoz. Den e siguiente siman lo ta sacando diferente premio pa esnan mas creativo, a bisa.
E fundacion lo tey bek cu un otro rueda di prensa pa promove nan otro actividadnan den cuadro di e luna aki di concientisacion, Lisette Gomes a duna di conoce.
