Coordinador di Actividad Catherine Midi:
ORANJESTAD (AAN)-- Coordinador di Actividad di Fundacion FAVI, señora Catherine Midi, den entrevista cu Matutino DIARIO, a relata con bunita e Fundacion y su Clientenan a celebra Dia di Himno y Bandera, pero riba Dia 19 di Maart.
El a duna di conoce cu e dia aki a wordo bon prepara, e clientenan a declama poesia, y nan a traha algun pasaboca tambe.
“E ambiente tabata super. Manera semper cu nos tin eventonan, nos boluntarionan, trahadornan, clientenan y otro partnernan di afo semper ta cla pa yuda, y ta hopi great pa wak nan”, señora Midi a expresa.
“Nos a cuminza algun siman prome cu nos clientenan a haci obra di man, y despues nos a pasa pa e parti di poesia, y nan tabata tin señor Wicho cu a yuda nan cu e parti aki y asina nan por a presenta esakinan. FAVI ta gradici nan huradonan, Jeremy Wever, Olga Bucley, y Honoria Dirksz, cu a haci un tremendo trabao conhuntamente cu Sidney Bahr, cu a saca e ganadornan di e dia aki”, señora Midi a menciona.
Nan tabata tin nan benta di productonan cu ta genera fondo cu ta bay bek den nan mes facilidadnan social cu FAVI tin riba Diahuebs, cu nan ta haci obra di man y diferente otro cosnan cu nan clientenan.
“Nos ta ripara cu den e transcurso di aña nos cantidad di cliente ta aumentando. Nos plannan ta pa haya e mayoria di personanan den nos comunidad, cu tin problema di bista, p’asina nos por sigui yuda nan; ta mas activo cu nos clientenan cu actividadnan, duna nan diferente tayer di trabao p’asina nos tur por haya conocemento hunto” señora Catherine Midi a señala.
{gallery}Fundacion FAVI a celebra Dia di Himno y Bandera, dia 19 di Maart{/gallery}
