ORANJESTAD (AAN): Diadomingo awor, Fundacion Dominicana Arubanse Juan Pablo Duarte lo tin un Radioton for di 10:00 am te cu 6:00 pm na Nieuwstraat 34-D.
E actividad aki ta pa conmemora e di 15 aña di e organizacion pa cu servicio continuo na comunidad. Cu donacion na nan, con grandi of chikito, bo ta yuda e Fundacion pa nan sigui sostene esnan cu mas tin mester di dje.
Bo lo por haci donacion cu placa cash, haci transfer via RBC #44730947. Nan lo bay tin tambe Dino Jump pa e muchanan, y lo bende cuminda tipico di Republica Dominicana. Nan lo ta bay tin premio sorpresa tambe. E adres di evento ta net patras di edificio di Niki Habibe den Caya Grandi na Playa.
DIARIO no a ricibi informacion ta cua radio local lo ta transmitiendo e Radioton pa 8 ora largo.
