ORANJESTAD (AAN): Fundacion Centro Famia Piedra Plat (FCFPP) ta invita un y tur pa asisti na e gran evento di clausura di e prome cyclo di e proyecto Let’s Act.
E show, titula “Bario di Pasco Crioyo”, Cual lo tuma luga diasabra 13 di December na Piedra Plat # 50, for di 6:00 pa 10:00 pm.
Den e 8 luna cu a pasa, Let’s Act a duna espacio pa expression creativo, y union familiar. Awor, nos ta celebra e frutanan di esfuerso comun cu un anochi di actuacion, canto, baile, pintura, pasarela, arte y hopi mas. Celebrando Aruba su cultura y tradicionnan di fin di aña hunto cu e otro nacionalidadnan cu ta biba na Aruba cu ta hasi nos Pais multicultural.
Tambe tin e posibilidad na personanan of instancianan cu kier ofrese nan productonan e dia aki manera: Cumindanan crioyo, bebidanan navideño, obranan di pasco, artesania, healthy food, mata, productonan organico, etc.
Tuma contacto cu FCFPP registra y bin forma parti di e bunita y grandioso “Bario di Pasco Crioyo” cu ta Diasabra 13 di December. Pa informacion por WhatsApp na 699-5545 tambe.
