Cancer di tripa ta subiendo considerablemente na Aruba
ORANJESTAD (AAN): Fundacion ABO lo lansa su programa CORESA (Colorectal Screening Aruba) na aña 2025, pa lucha contra cancer di tripa, cual ta den e top 3 di e cancernan mas comun na mundo, y Aruba no ta e excepcion.
Coresa lo ta encarga cu e programa di screening pa preveni e cancer di tripa aki na nos isla.
Mision:
Coresa su obhetivo ta pa logra deteccion trempan di cancer di tripa, pa medio di un "fit test" cu ta hopi simpel pa haci den privacidad di bo propio hogar. Despues laboratorio lo haci un analisis di e "fit test" y tambe di e af. Tambe lo siña reconoce e sintomanan potencial di e cancer di tripa y lo enfoca riba e importancia di bishita dokter di cas, sin importa edad.
Grupo Meta:
Tanto hende homber como hende muhe cu tin 45 aña of mas por participa cu e programa di screening, hasta si no tin sintoma.
Importancia:
Cancer di tripa ta den e top 3 tiponan di cancer mas comun na mundo. E tipo di cancer aki na Aruba ta subiendo considerablemente. Cancer di tripa ta un di e cancernan mas “facil” pa preveni cu tin, si ta logra detect’e na tempo. Cu un " fit test", dokter por haya sa bo nivel di riesgo y procede cu investigacion y of tratamento pa evita avance di e malesa.
Con por participa:
Si ta registra na AZV, bo por participa boluntariamente den e programa di screening pa cancer di tripa, cual no tin costo adicional.
Consulta cu bo dokter di cas pa mas informacion tocante e programa preventivo aki.
Fuente: Facebook Page Fundacion ABO
