ORANJESTAD (AAN): Funari a anuncia nan campaña di 'Strea di Speransa' pa recauda fondonan.
E strea di speransa ta un simbolo di fe pa continua cu e servicionan cu Funari ta brinda na su clientenan, cu ta depende di fundacion Funari pa su actividadnan cu ta enfatisa riba e grupo aki.
Funari ta un fundacion cu ta duna servicio na esnan cu tin un disabilidad fisico, entre 18 pa 65 aña di edad.
Comunidad di Aruba por contribui na e campaña di Funari den diferente manera:
* Transferencia bancario: C.M.B. e Number di cuenta ta 39481503, cu e descripcion Strea di Speransa y nomber. Manda bo prueba di pago na e e-mail di Funari This email address is being protected from spambots. You need JavaScript enabled to view it. of manda un whatsapp na Sra. Brenda Rasmijn Coördinadora di Funari na 5672673 y haci bo cita pa bin colga bo strea di speransa.
* Placa efectivo:
Pasa na Savaneta 340-A di dialuna pa diabierna di 8 or di mainta te cu 4 or di atardi of yama Funari na 5848522 pa haci un cita pa duna bo donacion. Alaves bo persona lo colga bo strea di speransa na Funari di biaha.
Bo por haci un donacion di AWG. 25, 50, 75, 100 y 200 of mas. Adhunto cu bo aportacion bo ta ricibi bo oportunidad pa bin colga bo strea riba e muraya di Funari, como parti di e speransa pa sigi sirbi communidad. Hunto nos por keda e Strea di Speransa pa nos hendenan cu limitacion di mobilidad/ fisico.
