ORANJESTAD (AAN) – Brenda Rasmijn, coordinador di FUNARI, den su entrevista cu Matutino DIARIO a sigui bisa,
encuanto e necesidad cu e Institucion tin pa instala alarma y camera di seguridad, cu mirando cu Funari ta un Fundacion, cu idea ta pa acerca comercio pa yudanza.
El a subraya cu nan tin cu traha duro pa cubri e parti di subsidio cu no ta yega pa tur gasto, nan mes mester haci nan fundraising pa trece placa aden, pa nan por sigui cu nan servicio, y aworaki ta comercio mes nan lo bolbe acerca pa yuda, pa di biaha nan por pone camera y alarma na Funari, pa por alivia y por stop e vandalismo un poco.
El a splica cu Funari no sa ainda con hopi e daño haci na e busnan ta precis, pero e sa si pa e tipo di busnan aki, e costonan di reparacion ta halto. E motor a wordo habri, a torno den e bus, pero esaki ta den man di e mecanico pa bisa cuanto e gastonan ta bay sali. Brenda a relata cu polis a bin for di trempan cu e forense cu a coi tur e finger printnan, pa wak si por logra haya sa ken ta haciendo e fechorianan aki, cu Stichting Funari. Instancia of individualnan cu kier haci un donacion por subi Funari su Facebook page, website y Instagram y wak unda por haci e donacion.
