ORANJESTAD (AAN): E wega di Zodiac ta facil pa hunga. Bo ta djis escoge un number cu ta consisti di cuatro cifra,
y bo ta agrega acerca un signo zodiacal, y stipula cuanto placa bo ta bet. Asina facil.
Esey ta loke Franklin a haci tambe, y el a bira feliz pa mira cu su numbernan a sali, y el a haci bon bet riba nan.
Pa tal motibo, riba Dialuna el a acudi na oficina di Lotto na Playa pa reclama su premio. Aki mesora nan a revisa su ticket banda patras pa wak si el a pone su firma, y tambe su numbernan di cuenta di banco.
Ora cu a scan e barcode di e ticket den e computer, esaki inmediatamente a indica cu el a gana un total di 52.500 Florin cu e wega di Zodiac.
E trahadornan di Lotto e ora a cuminza cu e proceso pa transferi su premio electronicamente pa su cuenta di banco. Franklin a splica cu e ticket ganador mes el a cumpra na Big Ten 4.
