Ateliers '89 Punto Di Beyas Arte Aruba
ORANJESTAD (AAN): Ateliers '89 un biaha mas ta trece nos gran artista fotografo Fernando Vermeer pa duna un workshop nobo di fotografia. Cu posibilidadnan unico brinda pa Fernando.
Den e workshop aki lo bo por amplia bo habilidad den e ramo y pa e hoben artista lo tin e oportunidad pa engrandece su conocemento y forma su mes pa un trabou profesional o academico. Pesey no perde e oportunidad unico aki y acudi. Cuminsando diamars 7 di April. Atencion aki ya cu e prome siman lo e workshop ta diamars, diaranson y diahuebs, pa motibo cu dialuna ta liber despues di Pasco Grandi.
E workshop ta pa un luna y ta tres anochi pa siman. Dialuna , Diamars y Diahuebs. Di 6:30 pa 9:30 pm. Y e ta pa tur hende cu ta desea di participa y asina upgrade nan tecnica. Lo guia tur hende segun e workshop ta bay y no mester di experencia previo. Edad ta cuminsando for di 14 aña.
Na final di e workshop lo ta bay tin un exposicion di e obranan traha den e workshop riba Diahuebs 30 di April pa 8 pm. Den e salanan mayor di exposicion na Ateliers '89.
