ORANJESTAD (AAN): Partidonan AVP y Futuro ta sigui avansa den e proceso di formacion di gobierno
y ta ehecutando varios reunion clave cu stakeholders pa asina defini prioridadnan y strategianan.
Pa medio di un comunicado Secretariado di Formacion 2025 a informa diaranson cu formadornan Sra. Gerlien Croes y Sr. Mike Eman a cuminsa cu nan ronda consultatorio cu diferente gremio den comunidad.
E combersacionnan a cuminsa diaranson, 12 di februari, na Fort Zoutman, pa 11 or di mainta, y lo continua pa e siman(nan) venidero.
Ya caba e formadornan a reuni cu entre otro Organisacion di Pensionadonan OPPA. Awe diahuebs e reunionnan lo continua.
