4 fayecido mas - Cifranan ta mustra un reduccion den casonan nobo y activo - *5 tabata tin 1 of mas vacuna y 25 no tabata vacuna
ORANJESTAD (AAN): Cifranan di Diadomingo ta mustra cu 56 persona a recupera y un total di 36 caso nobo di COVID-19 a keda registra cual 3 ta no-residente y 33 ta residente.
E cifranan aki ta representa un 'Positivity rate' bou di e residentenan di 30%. Cantidad di casonan activo di COVID-19 ta 570 y cantidad di fayecidonan relaciona cu COVID-19 ta 137. Datonan di COVID ta ilustra casonan nobo cu un average semanal di 65 caso pa dia y un average di 'positivity rate' semanal di 25% pa dia.
Actualmente na Aruba tin 52 persona interna debi na COVID di cual 12 ta den ICU y 40 riba piso general y na Colombia tin actualmente 16 persona den cuido intensivo.
DIASABRA
E situacion di Diasabra tabata e siguiente:
Recupera: 114
Casonan nobo: 55 (6 no-residente y 49 residente)
'Positivity rate' bou di residentenan: 19%.
Cantidad di casonan activo: 590
Fayecidonan: 4 residente.
DATONAN
For di comienso di juli cu DELTA a haci su introduccion na Aruba por observa cu lamentablemente 30 persona a perde e bataya contra e virus di COVID (Delta).
Di e 30 personanan, 5 tabata tin 1 of mas vacuna y 25 no tabata vacuna. Pa medio di e data aki por conclui cu e persona vacuna tin mas chens di recupera for di e virus di COVID cu esnan no vacuna. Pa cual motibo DVG ta sigui motiva y encurasha comunidad pa vacuna contra COVID.
