Randall van Trigt: ---- ORANJESTAD (AAN): Respaldo, FADA, HAVA, FMAA y SPD Diabierna merdia a firma un Memorandum of Understanding (MoU) cu minister di Asuntonan Social Rocco Tjon y
durante un conferencia di prensa, Assistant Finance Manager di Fundacion pa Maneho di Adiccion di Aruba (FMAA) Randall van Trigt a bisa cu e acuerdo aki ta sumamente importante.
“No solamente ta importante cu tur e partnernan aki ta bay por comparti conocimento, pero tambe ta esencial cu awor adiccion ta bay wordo incorpora den salud mental”.
Internacionalmente caba adiccion ta wordo reconoci bao di salud mental, pues pa nos esaki ta un prome stap hopi importante pa Aruba, pero esaki ta tambe den linea cu e ‘corporate plan cu FMAA mes a entrega na e minister algun tempo pasa, segun van Trigt.
El a sigui bisa cu pa FMAA esaki ta realmente e prome bloki cu ta bay wordo poni pa e cambionan grandi di reorganizacion cu FMAA ta bay pasa aden.
“Nos ta contento cu awor ta bay pro haci uso di e recursonan di e otro partnernan, den e situacion cu nos ta aden awor”, segun van Trigt.
