DIARIO ta penetra tras di cortinanan di Reino pa topa un contesta
- Resultado di eleccion 2024 lo tabata diferente cu realidad conoci
- Evelyn Wever-Croes lo a kibra record spera cu eleccion na 2025
ORANJESTAD (AAN) E forma cu eleccion 2024 a wordo planifica ta duna tur prueba di astucia politico pa destrui e posibilidad cu mr. Evelyn Wever-Croes, manera tur indicacion tabata, lo a kibra record di voto na urna electoral na 2025.
E desaroyonan politico na 2024, manera DIARIO a anuncia for di prome momento, tabata sumamente bon planea dor di un oposicion cu segun informantenan a wordo dirigi tras di cortina dor di Mike Eman y su grupo politico.
Informantenan a mustra DIARIO, cu en berdad na 2025 mester spera basta informacion riba e continuacion di e caso avestruz cu a rementa den e seno directo di AVP y a entrega e prueba con Mike Eman como Prome Ministro no ripara cu su man drechi Benny Sevinger, a bira protagonista di uno di e casonan di abuso di democracia mas grandi cu Aruba a conoce.
Na inicio di 2024, Aruba cu a conoce recuperacion na man di Gobierno Evelyn Wever-Croes, no tabata realiza cu den seno di Gobierno di Reino mester a trata e tema importante si Aruba mester keda cu e dominio di Reino pa medio di RaFT of si Aruba awor a base di e bon trabou di Evelyn Wever-Croes, lo por conoce areglonan nobo di Reino pa vigila bienestar financiero di Aruba.
Documentonan ta proba fechanan importante cu ta indica cu si eleccion a tuma lugar na 2025, e lo tabata completamente diferente di e resultadonan di eleccion 2024.
Informacionnan concreto cu DIARIO ta ricibi awor ta mustra cu na 2024 mas y mas tabata bira conoci cu Evelyn Wever-Croes lo a canta victoria na 2025 ora a base di su trabou, e por a debolbe Pueblo e Aruba, e rikeza di Pueblo cu e abuso di placa di Aruba dor di Mike Eman, a kita for di Pueblo di Aruba.
Informantenan clave ta sostene e forma cu Wendrick Cecilia a wordo uza como supuesto lider den background di AVP, cu hunto cu oposicion mester a percura pa adelanta eleccion pasobra mundo politico di Reino y asoina na Aruba, tabata sa cu na 2025, Evelyn Wever-Croes lo por a entrega Aruba e galardon di pais ehemplar pa gobernacion den henter Reino, cu ta un hecho cu DIARIO a relata.
Si eleccion a tuma lugar na 2025, awe Aruba lo tabata prepara pa eleccionnan cu lo a papia di elogro enorme di Evelyn Wever-Croes cu no solamente a debolbe Aruba placa pa cubri necesidadnan di e Pueblo di Aruba, pero tambe final di e Ley di Reino, cu a pone Aruba bou curatela Hulandes.
Awe Reino Hulandes ta aplaudi e trabou di Gobierno Evelyn Wever-Croes, cu a bira conoci despues di un campaña di difamacion y kiebra di e logro di Gobierno Wever-Croes, basa riba respaldo di e partido Raiz, cu a habri porta pa oposicion a baha Gobierno Wever-Croes.
Segun informantenan, atrobe AVP a trata na horta logro di MEP, pero no tabata tin exito pasobra prome cu AVP por a forma Gobierno, Reino Hulandes a entrega Aruba e logro grandi di Evelyn Wever-Croes.
“Esaki tabata e motibo grandi di e forma cu na 2024 na tur forma a trata di destrui e imagen y logronan di Evelyn Wever-Croes, pa asina habri porta pa un Gobierno di AVP, cu ta origen di berguenza di Aruba den Reino,” informantenan a splica.
Nan ta indica cu e problemanan cu tin awor pa forma Gobierno ta simplemente basa riba e hecho cu ningun momento nan a prepara pa un eleccion cu un bon programa pa Pueblo di Aruba pero a dicici pa destrui Gobierno Evelyn Wever-Croes, pa ecita pues cu awe eleccion 2025 lo a corona Evelyn Wever-Croes cu e logro enorme cu a entrega Aruba e prome lugar di gobernacion adecuado den Reino.
DIARIO cu ley den man lo bay entrega Aruba e prueba di falsedad di e campaña electoral 2024, cu a resulta den dos formador cu mester spera te dia 18 di maart pa drenta Oficina di Gobierno di Aruba cu nan macuto doi falsificacion di historia, sconde e berdad con na 2017 despues di practicamente a mata Florin, Mike Eman a bay sconde, pa awe Reino entrega premio di honor y confianza na Gobierno Evelyn Wever-Croes.
Manera informantenan a indica, e problema grandi pa formacion di e Gobierno, cu atrobe a nace den traicion di logro historico di Evelyn Wever-Croes, ta cu nan mester bay continua bou supervision di Hulanda, cu e bon trabou di Gobierno Wever-Croes y mester cuminsa entrega e presupuesto di Aruba, prepara pa Gobierno Wever-Croes pa 2025.
“Ya e base pa formacion di Gobierno nobo a conoce su prome tiro pa culata den Parlamento cu e cifranan cu nan mester atende pa asina Aruba sigui traha na e forma ordena cu a scapa Aruba di e caos cu Mike Eman a crea cu placa di Aruba den pasado,” informantenan a indica.
