ORANJESTAD (AAN): Bon noticia sigur! Fundacion Chico Harms oficialmente ta start sali cu su actividadnan en conexion cu celebracion Dia di Brazil na September venidero.
Special pa esey, ya caba riba Diadomingo 28 di Mei, nan lo start sali cu e prome actividad cu ta e “Parada Acustico”. E parada lo sali pa 4:30 pm parti patras di misa di Brazil.
E lo termina na Centro di Bario Brazil na unda por sigui fiesta te 8:00 pm. Aruba completo ta keda cordialmente invita pa bin gosa di un gran parada acustico aki.
Segun esnan di Fundacion Chico Harms, tur luna nan tin un of dos actividad pa cumpli cu un total di 11 actividad pa ora di yega September.
