ORANJESTAD (AAN): La Niña, un patronchi climatico natural cu por afecta clima mundial, a yega su fin na cuminsamento di 2025,
pero a dura solamente algun luna. E fenomeno a presenta señalnan den atmosfera durante temporada di herfst pasa, pero e temperatura friu den e Oceano Pacifico tropical no a ahusta te na fin di aña. Ora cu esey por fin a pasa, La Niña solamente a keda activo pa un periodo cortico.
Awor ni La Niña ni su opuesto, El Niño, ta presente. Mundo ta den un fase neutro cu, segun e NOAA, lo dura te principio di herfst (boreal). Eso ta pone e prediccionnan di clima pa e proximo lunanan den un situacion menos cla.
Sin un patronchi dominante, e temporada di horcan cu ta cuminsa na juni lo no por depende riba El Niño of La Niña. Meteorologonan ta wak pa otro factornan, manera temperatura halto di oceano y calentamento global, cu por trece un temporada di horcan mas activo.
Ademas, prediccionnan ta mustra cu spring y zomer lo ta mas calor cu normal na hopi parti di Merca, cu excepcion di noordwest di Pacifico. E combinacion di calor y secura por lanta un circulo vicioso cu, manera a pasa aña pasa, por intensifica e condicionnan climatico extremo.
