“Inverti den hende muher: acelera e progreso”
*Pabien na tur hende muher na Aruba y na henter mundo
ORANJESTAD (AAN) — Awe ta celebra Dia Internacional di Hende Muher bao di e tema oficial di Organizacion di Nacionnan Uni: “Inverti den hende muher: acelera e progreso”. Tambe e Organizacion Mundial di Trabao (ILO) ta destaca e rolnan esencial y inseparable di e trabao decente y e igualdad di genero.
Dia 8 di Maart ta un dia dedica na celebra e logronan di hende muher y busca e igualdad di genero. Dos tema ta wordo resalta e aña aki: esim do campaña 2024, cu ta “Inspira e inclusion” y e tema oficial di ONU, “Inverti den e hendenan Muher: acelera e progreso”.
No obstante, ainda falta 131 aña pa logra e paridad di genero, segun un informe tocante e “Brecha Global di Genero, 2023” di e Foro Economico Mundial. E igualdad di Genero ta ocupa un lugar central den e Obhetivonan di e Desaroyo Sostenibel (SDG's) di Nacionnan Uni (UN) y e ta un punto permanente den e lista anual di prioridadnan di e Secretario General.
ODS ta reta e mundo na logra e igualdad di genero y empodera tur hende muher adulto, mucha y adolescente pa aña 2030.
Na opinion di Antonio Guterres, Secretario General di Organizacion di Nacionnan Uni, e empoderamento di hende muher por impulsa e economia y contribui na e proceso di paz, pero e mester ta lihe!
“Nos ta promoviendo e participacion y liderazgo pleno ekitativo di e hendenan muher den tur sector di e sociedad, cu caracter di urgencia” Guterres a declara enfrente di e Asamblea General di ONU, ora el a expone e prioridadnan di e Organizacion, dia 7 di Februari ultimo.
En todo caso, e lucha continuo pa e Derechonan di Hende Muher ta wordo conmemora cada aña cu e Dia Internacional di Hende Muher, dia 8 di Maart.
