Trahado Social Rich Ann Ammerlaan:
ORANJESTAD (AAN) E trahado Social di Fundacion Contra Violencia Relacional, señora Rish Ann Ammerlaan, a sigui splica tocante e desaroyo di violencia domestico.
El menciona cu edadnan di e victimanan ta varia. Tin personanan hoben di 20 y pico aña cu a haya shelter cerca FCVR, pero tambe tin personanan di 50-60 plus cu a haya ayudo.
El a reitera cu mester bay na historia di violencia pa wak con esaki a cuminza, kico ta su origen y tambe e factornan, pasobra hopi cliente ta trece cu ne hopi herida for di nan infancia, cu no a sana.
Por ta abandono di un mayor, cu ta un etapa hopi importante den nan bida, unda e mayor tin cu duna e amor y sosten cu e yiu mester. Ora e yiu tin carencia di dje, e ta busca loke e ta kere cu ta amor, pero ta un dependencia na nan pareha. “Esey ta haci cu bo ta soporta cosnan cu normalmente un hende no ta suppose di soporta. Pues, tin diferente factor cu ta hunga un rol”, Amerlaan a señala.
Señora Amerlaan a comenta cu e aña aki a ricibi 53 mcha cu a haya alohamento na FCVR, hunto cu nan mama, locual ta un cifra hopi alarmante, pasobra na final di dia e muchanan aki tambe ta victima di e violencia domestico.
