ORANJESTAD (AAN): Informacion for di estado di Ohio na Merca, ta indica cu e turista Shirley Jean Buck di pueblo di Youngstown,
a fayece siman pasa na un Cas pa Anciano na Poland, Ohio. E tabata un turista cu tabata keda ripiti su viahenan y bin disfruta di vakantie na Aruba.
Hunto cu su casa Vernon Buck cu kende e tabata casa pa 50 aña largo, nan tabata bin Aruba y bishita tur restaurant cu nan tabata por. Nan a goza un mundo di viaha pa e isla aki, te ora cu su casa a fayece na 2008.
Ademas di viaha pa Aruba, Shirley tabata gusta musica country, y atende tur evento di su nietonan, y tambe di bisanietonan.
El a bay laga atras su seis yiunan, y numeroso nieto y bisanieto. Entiero di dje lo tuma lugar awe Diabierna 20 di December na Austintown na Ohio.
