ORANJESTAD (AAN): Trahador Preventivo di Fundacion Anti Droga Aruba (FADA), Rulienne Arends,
a duna di conoce durante un conferencia di prensa diamars mainta cu nan ta hopi contento cu nan por a wak cu e aña aki na comienso di Mei a bin cambio den ley pa loke ta trata humamento di sigaria.
El a bisa cu awor na lugarnan publico no ta permiti mas pa huma sigaria. "FADA ta sumamente contento cu e leynan aki y nos ta para tras di e leynan aki, pasobra no ta solamente pa esun cu ta huma, pero mester corda riba esunnan cu no ta haci uzo di sigaria y tambe por core un peliger door di un otro persona cu ta huma cerca di dje".
