ORANJESTAD (AAN): Riba Diahuebs mainta, Santa Rosa a ricibi bishita di Dr. Peter Verweij, un researcher pa e conocido Wageningen University di Hulanda.
Dr. Verweij ta actualmente di bishita, en conexion cu un estudio cu Gobierno lo bay cuminza cu ne, riba e thema di reforestacion.
El a combersa cu Sra. Nathalie Maduro, Director di Santa Rosa y a bin pa conoce e DCALFA Food Forrest y ricibi mas informacion for di Sra. Roselinde Barros encuanto di e proyecto.
Pa Santa Rosa, Wageningen semper tabata un partner clave y aki por aprecia e importancia di collaboracion entre instituto nan academico y nos Departamento.
